Marketinq

 “Marketinq” ixtisası üzrə təhsil alan tələbələr məzun olarkən aşağıdakı peşə kompetensiyalarına, bilik və bacarıqlara yiyələnir: 

• Marketinq fəaliyyətinin elmi-nəzəri və konseptual əsaslarına dair biliklərə sahib olur. İdarəetmədəki və təşkilatdakı mövcud problemləri qavrama və həlli yollarını təklif etməklə bağlı biliklərə sahib olur
• Karyera barədə ilkin anlayışları, karyera inkişaf fəaliyyətlərini, iş müsahibəsinə hazırlıq prosedurlarını və müsahibə texnikalarını bilir, karyera yol xəritəsinin tərtib olunması və texnikaları, iradə, motivasiya va pozitiv düşüncə, işgüzar etika, iş axtarma strategiyaları, eləcə də iş üçün müraciət qaydalarını bilir
• Kreativ düşüncə tərzi əsasında müştərilərin ehtiyac və tələbatlarının daha yüksək səviyyədə və yeni texnologiya istifadə etməklə ödənilməsini bacarır. Marketinq sferasında baş verən dəyişilkləri bilir və onları mənimsəmək xüsusiyyətlərinə sahib olur
• Bazar mühitini izləməklə həmin mühitdə özünü göstərən marketinq imkanlarını va problemləri aşkara çıxarır, marketinqdən bir vasitə kimi istifadə etməklə müəssisənin rəqabət üstünlüyünün təmin edilməsi və ona nail olma qabiliyyətinə malik olur
• Müəssisənin fəaliyyət göstərdiyi bazara dair geniş spektrli informasiyaları əldə etməklə onları sistemləşdirir. Marketinq büdcəsindəki məhdud vəsaitlərdən istifadə etməklə müəssisənin qarşısında duran məqsədlərə mümkün qədər az xərclərlə nail olmağı bacarır. Marketinq sahəsində taktiki və strateji xarakterli qərarlar qəbul etmək bacarığına yiyələnir
• İstehlakçılarla səmərəli əlaqələrin qurulması və qorunub saxlanılması üçün elmi düşüncə tərzinə və məharətə malik olur. Şirkətin brend strategiyasını işləyib hazırlamağı texnologiyalarından istifadə etməyi bacarır. Rəqəmsal marketinq va onun effektiv istifadəsi üçün mövcud dünya praktikasına uyğun biliklərə sahib olur.

İxtisasın tədris qrafiki